លោក ណុប ដារ៉ា ចែកអំណោយឯឧ. ស សុខា និងលោកជំទាវ ៥គ្រួសារ ក្នុងស្រុកព្រះស្តេច

News New : នារសៀលថៃ្ងទី២៥ ខែមេសា ឆ្នាំ២០១៨ លោក ណុប ដារ៉ា ប្រធានក្រុមការងារចុះជួយ
ស្រុកព្រះស្តេច របស់សហភាពសហព័ន្ធយុវជនកម្ពុជាខេត្តព្រៃវែង និងលោក មុត ភន ប្រធានសហ ភាពសហព័ន្ធយុវជនកម្ពុជា ស្រុកព្រះស្តេច រួមនឹងអាជ្ញាដែនដី  បាននាំយកអំណោយ ឯកឧត្តម ស សុខា តំណាងរាស្ត្រគណបក្សប្រជាជនកម្ពុជាមណ្ឌលព្រៃវែង និងជាអនុប្រធានសហភាពសហព័ន្ធ យុវជនកម្ពុជា និងលោកជំទាវ ទៅចែកជូនបងប្អូនពលរដ្ឋក្រីក្រ ចំនួន ៥គ្រួសារ  នៅឃុំ បន្ទាយចក្រី ដែលក្នុងមួយគ្រួសារៗ ទទួលបាន ៖  អង្ករ ២៥គ.ក្រ មី ១កេស ទឹកត្រី ១យួរ  ទឹកស៊ីអ៊ីវ ១យួ ត្រីខ ១ យួរ ស្ករស ១កញ្ចប់ អំបិល ១កញ្ចប់ និងថវិកា ៥០.០០០ រៀល។

អត្ថបទ ៖ សាន់ ផានិត

Read More

បណ្ឌិត ងិន​ បាណាល់ បង្ហាញលក្ខណៈពិសេសរបស់ទូក ង វែងជាងគេលើពិភពលោក !

News New : លោក ងិន​ បាណាល់ អនុប្រធានគណៈកម្មការផលិតទូក ង វែងជាងគេលើពិភព លោក បានគូសបញ្ជាក់អំពីលក្ខណៈពិសេសមួយចំនួន អំពីទូក ង វែងជាងគេលើពិភពលោក ដែលកំពុងដំណើរការផលិតថា ៖

ទី១៖ ទូកនេះធ្វើប្រវែង ៨៥ម៉ែត្រ ផ្ទុកចំណុះទូកសរុប ១៧៩នាក់។
ទី២៖ ទូកនេះធ្វើអំពីឈើគគីរ ដែលធននឹងទឹក។ ក្នុងនោះត្រូវប្រើឈើពី ៦ដើម ដើម្បីផលិត។ចំណែក ច្រវាទូកវិញ ធ្វើអំពីឈើស្រឡៅដែលមានទម្ងន់ស្រាល។
ទី៣៖ ក្បាលទូក ឆ្លាក់ចេញជាក្បាលនាគ ឯកន្ទុយឆ្លាក់ជាកន្ទុយហង្ស ភ្ជាប់ដោយក្បាច់រចនា​បុរាណ របស់ខ្មែរសុទ្ធសាធ ។
ទី៤៖ ចំ​ពោះសមាសភាពចំណុះទូកវិញ យកមក​ពី​ទាហាន​ជើងទឹក​ ១០០នាក់ នគរបាល​ជើងទឹក ៨០នាក់​ បូករួមកម្លាំងយុវជននិងប្រជាពលរដ្ឋស្ម័គ្រចិត្តមួយចំនួនទៀត សម្រាប់ត្រៀមបំរ៉ុង ផ្លាស់ ប្ដូរដៃគ្នា។

លោកបណ្ឌិតបន្តថា ការផលិតទូក ង នេះនៅមានលក្ខណៈពិសេសផ្សេងៗទៀត តែមិនទាន់លាត ត្រដាងទាំងស្រុងនៅឡើយ។

រហូតមកដល់ពេលនេះ ក្រុមជាងជំនាញកំពុងធ្វើយ៉ាងសស្រាកសស្រាំ ដោយមានមហាជន យុវជនចូលរួមធ្វើជារៀងរាល់ថ្ងៃ។ លោកបានអំពាវនាវដល់មហាជន យុវជនគ្រប់ស្រទាប់វណ្ណៈ អញ្ជើញចូលរួមធ្វើទូក ង វែងជាងគេលើពិភពលោកនេះ ដើម្បីភ្ជាប់និស្ស័យ ដោយអញ្ជើញទៅ​ទីតាំងផលិតនៅមុខសាលាខេត្តព្រៃវែង តំបន់ចុងប៉ម។

អត្ថបទ ៖ វណ្ណ:

Read More

តំណាងរាស្ត្រវ័យក្មេង ស សុខា ៖ គោលបំណងសំខាន់ ៣ ក្នុងការផលិតទូក ង វែងជាងគេ...

News New : ក្នុងកិច្ចសំភាសន៍ជាមួយអ្នកយកព័ត៌មាន របស់ទូរទស្សន៍ខេមរភូមិន្ទ ប៉ុស្ថិ៍លេខ ៥ នា ថ្ងៃទី២៣ ខែមេសា ឆ្នាំ២០១៨ នេះ លោក ស សុខា តំណាងរាស្ត្រមណ្ឌលព្រៃវែង និងជាអនុប្រធាន សហភាពសហព័ន្ធយុវជនកម្ពុជា និងជាប្រធានគណ:កម្មការផលិតទូក ង វែងជាងគេ ដើម្បីឯតទគ្គ កម្មពិភពលោក បានបង្ហាញអំពីគោលបំណងសំខាន់ ៣ នៃការផលិតទូក ង នេះដូចខាងក្រោម ៖

១-រំលឹកឡើងវិញនូវប្រវត្តិដ៏យូរលង់នៃការផលិត និងការប្រើប្រាស់ទូករបស់ខ្មែរ ចាប់តាំងពីសម័យ បុរាណ ជាពិសេសរំលឹកឡើងវិញនូវស្នារព្រះហស្ថ របស់ព្រះមហាក្សត្រខ្មែរគ្រប់ជំនាន់ ក្នុងការប្រើ ប្រាស់ទូក ជាមធ្យោបាយមួយក្នុងការការពារទឹកដី។

២-ជួយលើកតម្កើងកិត្យានុភាពជាតិ ដោយបង្ហាញពិភពលោកទាំងមូលឲ្យបានដឹងកាន់តែច្បាស់ថា កម្ពុជាអាចបង្កើតស្នារដៃដ៏អស្ចារ្យមួយ។

៣-ជំរុញស្មារតីស្នេហាជាតិ និងសាមគ្គីភាពនៃយុវជនជាកូនចៅជំនាន់ក្រោយ ក្នុងការថែរក្សា និងអ ភិរក្សកេរដំណែលពីដូនតា។
-ដើម្បីបង្ហាញអោយពិភពលោកឃើញថា ខ្មែរយើងខ្លាំង អាចផលិតបានអ្វី ដែលអស្ចារ្យជាងគេលើ ពិភពលោក
  -ដើម្បីឱ្យបងប្អូនប្រជាពលរដ្ឋខ្មែរយើង ចេះសាមគ្គីគ្នារួបរួមគ្នាជាធ្លុងមួយតាមរយ:ការកសាង ទូក ង វែងជាងគេ ចាប់ផ្តើមតាំងពីឈើមួយដើម រហូតដល់ចេញជារូបរាងទូកឡើង ដោយការនាំគ្នាចាំង ឈើបន្តិចម្តងៗ
  -ដើម្បីបណ្តុះឆន្ទ:កូនខ្មែរយើង ឱ្យនាំគ្នាបង្កើតនូវអ្វីដែលអស្ចារ្យសំរាប់ខ្មែរលើឆាកអន្តរជាតិ ចៀស វាងការយកពេលវេលាមានតំលៃ ទៅសេពគ្រឿងញៀន គ្រឿងស្រវឹង បង្ហោះម៉ូតូ និងក្មេងទំនើង ជា ដើម។

ក្នុងឱកាសនោះដែរ លោក ស សុខា ក៏បានអំពាវនាវដល់ ពុកម៉ែ បងប្អូន យុវជន យុវនារី ទាំងអស់ សូមអញ្ជើញចូលរួមជួយសាងសង់ទូក ង ដោយ ចាំងឈើទាំងមូលឱ្យក្លាយទៅជាទូក ង ដ៏អស្ចារ្យ ដែលអាចបំបែកឯតទគ្គកម្មពិភពលោកបាន នៅមុខសាលាខេត្តព្រៃវែង ( ចុងប៉ម) ដើម្បីបានជោគ ជ័យរួម ស្របតាមពាក្យស្លោកថា " ខ្មែរសាមគ្គី ខ្មែរឈ្នះ " ។

សូមបញ្ជាក់ថា ៖ ទូក ង វែងជាងគេ ដើម្បីបំបែកឯតទគ្គកម្មពិភពលោក មានប្រវែង ៨៥ម៉ែត្រ និង មានចំណុះទូករហូតដល់ ១៧៩នាក់ ដែលរៀបចំផលិតដោយសហភាពសហព័ន្ធយុវជនកម្ពុជា ខេត្តព្រៃវែង និងមានគណ:កម្មការ និងអនុគណ:កម្មការប្រតិបត្តិជាច្រើន៕

អត្ថបទ ៖ វណ្ណ:

Read More

យុវជន សសយក ខេត្តព្រៃវែង ៤នាក់ ក្លាយជាអភិបាលរងស្រុក ក្រុង

News New: យើងសង្កេតឃើញថាជាបន្តបន្ទាប់យុវជនយើង ជាពិសេសជាយុវជនចេញពីសហភាព សហព័ន្ធយុវជនកម្ពុជា (សសយក) ត្រូវបានថ្នាក់ដឹកនាំប្រគល់សេចក្តីទុកតែងតាំងជាអភិបាល អភិ បាលរង ខេត្ត រាជធានី ស្រុក ក្រុង ទូទាំងប្រទេស ដោយសារតែការខិតខំប្រឹងប្រែងបំរើកិច្ចការ ផល ប្រយោជន៍សង្គមជាតិជាបន្តបន្ទាប់ និងមានសមត្ថភាពគ្រប់គ្រាន់ក្នុងការដឹកនាំ ។

ជាក់ស្តែងថ្មីនេះ មានយុវជនចំនួន ៤រូប ទៀតហើយ ដែលចេញពី សសយក ខេត្តព្រៃវែង ត្រូវបាន
ថ្នាក់ដឹកនាំតែងតាំងជា អភិបាលរងស្រុក ក្រុង ក្នុងខេត្តព្រៃវែង រួមមាន ៖
១.លោក ហ៊ុន ចាន់ដែន ប្រធាន សសយក ស្រុកពាមជរ ជាអភិបាលរងស្រុកពាមជរ
២.លោក ជា សារ៉ែម លេខាធិការដ្ឋាន សសយក ខេត្តព្រៃវែង ជាអភិបាលរងក្រុងព្រៃវែង
៣.លោក ហ៊ន សុផាត ប្រធាន សសយក ស្រុកមេសាង ជាអភិបាលរងស្រុកមេសាង
៤.លោក គង់ សំអូន អនុប្រធាន សសយក ស្រុកកំចាយមារ ជាអភិបាលរងស្រុកកំចាយមារ ។

អត្ថបទ៖ អារុណ

Read More

លោក មុត ភន នាំអំណោយឯឧ. ស សុខា ជូនគ្រួសារសពក្មេងស្រីអាយុ ៥ឆ្នាំ ស្រុកព្រះស្តេច

News New : កាលពីរសៀលថ្ងៃពុធ ៤កើត ខែពិសាខ​ ឆ្នាំច សំរឹទ្ធិស័ក ពស ២៥៦២ ត្រូវនឹងថៃ្ងទី១៨ ខែមេសា ឆ្នាំ២០១៨ ម្សិលម៉ិញនេះ លោក មុត ភន ប្រធានសហភាពសហព័ន្ធយុវជនកម្ពុជា  ស្រុកព្រះស្តេច ខេត្តព្រៃវែង និងអនុប្រធាន ព្រមទាំងសមាជិក បានចូលរួមរំលែកទុក្ខដ៏ក្រៀមក្រំ ជាមួយ គ្រួសារ នៃសពកុមារី អាយុ ៥ឆ្នាំ ដែលត្រូវឃាតកររំលោភសំលាប់យ៉ាងព្រៃផ្សៃ ។

ក្នុងនោះដែរ លោក មុត ភន ក៏បាននាំយកអំណោយឯកឧត្តម ស សុខា តំណាងរាស្ត្រគណបក្សប្រ ជាជនកម្ពុជា មណ្ឌលព្រៃវែង និងជា អនុប្រធានសហភាពសហព័ន្ធយុវជនកម្ពុជា និង លោកជំទាវ  ជូនគ្រួសារ នៃសព ដែលកំពុងប្រារព្វធ្វើបុណ្យតាមប្រពៃណី ក្នុងវត្តសទ្ធា ឃុំរំចេក ស្រុកព្រះស្ដេច។

អំណោយ ដែលផ្តល់ជូន រួមមាន ៖ ថវិកា ចំនួន ៣០០ដុល្លារ, អង្ករ ៧៥គីឡូក្រាម, មី ១កេស, ទឹកត្រី ១យួរ , ទឹកស៊ីអ៊ីវ ១យួរ , ត្រីខ ១យួរ , ស្ករស ២កញ្ចប់។

អត្ថបទ ៖ អារុណ

Read More