Recent Posts

Seo Services

សិស្ស ២នាក់ឆ្លើយត្រូវ ក្នុងបទបង្ហាញខ្លីស្រុកព្រះស្តេច ក្រោមឧបត្ថម្ភដោយ ឯ. ស សុខា

News New : នាព្រឹកថ្ងៃទី២៥ ខែកក្កដា ឆ្នាំ២០១៦នេះ ក្រុមការងារចុះធ្វើបទបង្ហាញស្តីពី វិធីសាស្ត្រ រៀនត្រៀមប្រលង និងជ្រើសរើសជំនាញមហាវិទ្យាល័យ ដល់សិស្សថ្នាក់ទី១២ ទូទាំងខេត្តព្រៃវែង ដែលឧបត្ថម្ភដោយឯកឧត្តម ស សុខា អ្នកតំណាងរាស្ត្រគណបក្សប្រជាជនកម្ពុជា មណ្ឌលព្រៃវែង និងលោកជំទាវ បានបន្តចុះធ្វើបទបង្ហាញដល់សិស្សថ្នាក់ទី១២ នៅក្នុងស្រុកព្រះស្តេច  ដែលមាន សិស្ស ថ្នាក់ទី១២ បានចូលរួមចំនួន ៣៥២នាក់ ។
ក្រុមការងារចុះធ្វើបទបង្ហាញ បានចែករំលែកបទសោធ ដល់ប្អូនៗ ត្រៀមប្រលងសញ្ញាបត្រទុតិយ ភូមិ (បាក់ឌុប) នូវចំណុចសំខាន់ៗដូចជា ៖
-វិធីរៀនផ្នែកវិទ្យាសស្ត្រសង្គម
-វិធីរៀនផ្នែកវិទ្យាសាស្ត្រពិត
-ប្រការគួរប្រុងប្រយ័ត្នមុនពេលប្រលង
-ប្រការគួរធ្វើ និងមិនគួរធ្វើក្នុងពេលប្រលង
-វិធីជ្រើសរើសជំនាញសិក្សាថ្នាក់ឧត្ដមសិក្សា
-ក្រៅពីការធ្វើបទបង្ហាញខាងលើ ក្រុមការងារបានប្រកាសការផ្ដល់រង្វាន់ម៉ូតូ ១គ្រឿង ដល់ប្អូនៗ ណា ដែលប្រលងជាប់បាននិទ្ទេស A និង បែបបទស្នើសុំអាហារូបករណ៍ពីឯកឧត្តម ស សុខា និង លោកជំទាវ ផងដែរ ។
គួររំលឹកផងដែថា ក្រៅពីចំណុចទាំងអស់ខាងលើនេះ ឯកឧត្តម ស សុខា លោកបានបើកវគ្គបំប៉ន (រៀនគួរ) បន្ថែមលើមុខវិជ្ជាលំហាត់សំខាន់ៗ រយៈពេល ៤ខែ មុនការប្រលងដល់សិស្សថ្នាក់ទី១២ ទូទាំងខេត្តព្រៃវែង ដោយឥតគិតថ្លៃផងដែរ។
បទបង្ហាញនេះ ឧទ្ទិសនាមដោយលោក ទូច វណ្ណ: និងលោក ទូច សុខ: រួមក្រុមការងារមានលោក មាស សុខុម លោក ឡាង បូរិន និងលោក ផុន រ៉ាដា ផងដែរ។
បញ្ជាក់: ចំពោះសំណួរដែលក្រុមការងារចុះធ្វើបទបង្ហាញដាក់ជូនប្អូនៗឆ្លើយ មានប្អូនៗ ២នាក់ គឺ បានឆ្លើយត្រូវ ៩៥% នៅវិទ្យាល័យ តាគោក។សំរាប់ឈ្មោះសិស្ស និងសាលា ដែលទទួលជ័យជំនះ លេខ១ ប្រចាំខេត្តព្រៃវែង នឹងប្រកាសនៅថ្ងៃទី១ ខែសីហា ឆ្នាំ២០១៦ បន្ទាប់បទបង្ហាញត្រូវបញ្ចប់៕




















អត្ថបទ៖ អារុណ
សិស្ស ២នាក់ឆ្លើយត្រូវ ក្នុងបទបង្ហាញខ្លីស្រុកព្រះស្តេច ក្រោមឧបត្ថម្ភដោយ ឯ. ស សុខា សិស្ស ២នាក់ឆ្លើយត្រូវ ក្នុងបទបង្ហាញខ្លីស្រុកព្រះស្តេច ក្រោមឧបត្ថម្ភដោយ ឯ. ស សុខា Reviewed by Unknown on 9:59:00 PM Rating: 5

No comments:

Powered by Blogger.