Tuesday, February 28, 2017

ពលរដ្ឋត្អូញត្អែរពិបាកធ្វើដំណើរ ផ្លូវខូចត្រង់ឃុំព្រែកអំពិល ស្រុកស្អាង គ្មានអ្នកចាប់អារម្មណ៍ជួសជុល

News New : ពលរដ្ឋ ដែលរស់នៅ និងធ្វើដំណើរតាមផ្លូវម្តុំឃុំព្រែកអំបិល ស្រុកស្អាង  ខេត្តកណ្តាល បានត្អូញត្អែរពិបាកក្នុងការធ្វើដំណើរ ដោយសារផ្លូវនៅម្តុំនោះ បែកប្រេះជាជង្ហុគៗ និងមានដក់ទឹក គ្មានអ្នកណាចាប់អារម្មណ៍ជួសជុលឡើយ ។
ចំពោះបញ្ហាផ្លូវខូចនេះដែរ ប្រជាពលរដ្ឋ ក្នុងឃុំព្រែកអំបិល ក៏ធ្លាប់បានស្នេីគណ:ពង្រឹងអោយជួយ ធ្វេីផង តែពុំទាន់ការឆ្លេីយតបបែបណាសោះ ធ្វើឱ្យពលរដ្ឋសម្តែងការខកចិត្តយ៉ាងខ្លាំង។

ប្រមុខរាជរដ្ឋាភិបាលបានប្តេជ្ញា នឹងខិតខំធ្វើហេដ្ឋារចនាសម្ព័ន្ធជូនប្រជាពលរដ្ឋបានល្អគ្រប់ទីកន្លែង ។ប៉ុន្តែបើយើងក្រឡេកទៅមើលផ្លូវលំមួយខ្សែស្ថិតនៅក្នុងឃុំព្រែកអំបិល ស្រុកស្អាង ខេត្តកណ្តាល វិញ គ្រាន់តែភ្លៀងមួយមេលិច និងខូចស្ទើទំាងស្រុង។ ផ្លូវលំមួយខ្សែប្រវែងជាង ១០គីឡូម៉ែត្រ បែក ចេញផ្លូវជាតិលេខ២១ពីគល់ស្ពានត្រង់សាលាឃុំព្រៃកអំបិល បានកំពុងតែរងការខូចខាតយ៉ាងខ្លំាង គ្រាន់តែមេឃភ្លៀងមួយ មេកាលពីពេលថ្មីៗនេះ។ផ្លូវនេះត្រូវបានប្រជាពលរដ្ឋស្នើដល់គណៈពង្រឹង ឃុំ ដែលបច្ចុប្បន្ន ស្ថិតក្រោមការគ្រប់គ្រងដោយ លោក អោក បូរ៉ា ជាច្រើនលើកច្រើនសារ ។ ប៉ុន្តែ លោកថា រងចាំការបោះឆ្នោតសិន ។ យ៉ាងណាក្តីបើតាមប្រពលរដ្ឋដែលរស់នៅ តាមផ្លូវលំនេះបាន នាំគ្នាលើកឡើងថា សម័យនេះទៅហើយនៅតែមានផ្លូវបែបនេះទៀត ព្រោះថា នៅស្ទើរស្រុក ខណ្ឌ នៅក្នុងប្រទេសគេមានផ្លូវល្អសម្រាប់ធ្វើដំណើរ។ចំណែកផ្លូវនេះកាន់ខូចទៅៗឆាប់ធ្វើដំណើរ។ពល រដ្ឋបានស្នើដល់អភិបាលខេត្ត អភិបាលស្រុក ជួយធ្វើ និងជួសជុលដោយចាក់ក្រាលកៅស៊ូ ដោយ កុំរង់ចាំដល់ពេលបោះឆ្នោត ឬ តែបានសន្លឹងឆ្នោតនោះអី ព្រោះសម័យនេះ ពលរដ្ឋដឹង និងឃើញ ច្បាស់ហើយអ្នកណាធ្វើនិងអ្នកណាមិនធ្វើនោះ ។

សិស្សម្នាក់រៀននៅវិទ្យាល័យ ហ៊ុនសែន ព្រែកអំបិល សុំមិនបញ្ចេញឈ្មោះ បាននិយាយថា ខ្ញុំមាន ការពិបាកយ៉ាងខ្លំាងក្នុងការធ្វើដំណើរទៅសាលារៀនដោយប្រឡាក់សំលៀកបំពាក់នៅពេលភ្លៀង ម្តងៗ។ សិស្សបញ្ជាក់ថា « ខ្ញុំពិបាកណាស់ពូ ខ្ញុំមូរជើងខោ ពិបាកជិះ កង់ ពេលខ្លះរអិលដួល ក៏មាន ដែរពូ ។ ខ្ញុំឆ្ងល់ណាស់ ខ្ញុំឮ តែគេថាផ្លូវជិតធ្វើច្រើនឆ្នាំហើយ តែមិនឃើញទៀត ឬគេចង់បានសន្លឹក ឆ្នោត»។សិស្សម្នាក់ដែលកំពុងស្ពាយកាបូបដាក់សៀវភៅពេញ និងមូដៃអាវជើងខោម្នាក់ទៀត បាន និយាយថាសម័យនេះហើយនៅមានផ្លូវបែបនេះទៀត។ សម្តេចតេជោ ហ៊ុន សែន ខ្ញុំឃើញគាត់ខិត ខំណាស់ ទាំងធ្វើផ្លូវ ធ្វើសាលារៀន... ចំណែកផ្លូវនេះ សម្តេចមិនជួយធ្វើឲ្យផង? ។ សិស្សរូបនេះបន្ត ថា សម័យនេះហើយ កុហកពលរដ្ឋទៀត បើមិនធ្វើអោយពួកគាត់ឃើញទេគាត់មិនជឿនិងគាំទ្រទេ គាត់សុខចិត្តមិនទៅបោះឆ្នោតក៏មានដែរ ចង់ឃើញធ្វើបានគេទុកចិត្ត៕

អត្ថបទ ៖ ចំណាន (១១២)

បក្សសង្គ្រោះជាតិសម្រេចយកបេក្ខភាពប្រធាន១ និងអនុប្រធាន៣ ដាក់អនុម័តថ្ងៃទី២ មីនា ស្អែកនេះ

News New : ទីបំផុតគណៈកម្មាធិការនាយកគណបក្សសង្គ្រោះជាតិ បានសម្រេចគំាទ្រ បេក្ខភាព ប្រធាន អនុប្រធានគណបក្ស ដើម្បីដាក់ក្នុងអង្គសមាជវិសាមញ្ញ នៅថ្ងៃទី២ ខែមិនា ឆ្នាំ២០១៧ ថ្ងៃ ស្អែកនេះ ។ នេះបើតាមការឲ្យដឹងពីមន្ត្រីជាន់ខ្ពស់គណបក្សសង្គ្រោះជាតិ ។ យោងតាមសេចក្តីសម្រេចរបស់គណៈកម្មាធិការអចិន្ត្រៃយ៍គណបក្សសង្គ្រោះជាតិ កាលពីថ្ងៃទី២៨ ខែកុម្ភៈ បានឲ្យដឹងថា បានពិភាក្សាយ៉ាងល្អិតល្អន់ និងសម្រេច ៣ចំណុច ដាក់ទៅគណៈកម្មាធិការ នាយក នៅព្រឹកថ្ងៃទី១ ខែមិនា រួមមាន ៖
ទី១៖ លើគោលនយោបាយអាទិភាព ៥ចំណុច 
ទី២៖ លើកសំណើ វិសោធនកម្មប្រការមួយចំនួននៃលក្ខន្តិកៈគណបក្ស
ទី៣៖ គំាទ្របេក្ខភាពប្រធាន និងអនុប្រធាន  ដើម្បីដាក់ជូនទៅក្នុងកិច្ចប្រជុំគណៈកម្មាធិការនាយក និង​សមាជវិសមាញ្ញគណបក្ស ។

លោក សុនឆ័យ ប្រធានក្រុមអ្នកតំណាងរាស្ត្រគណបក្សសង្គ្រោះជាតិ បានឲ្យដឹងថា គណៈកម្មាធិ ការអចិន្ត្រៃយ៍របស់គណបក្សសង្គ្រោះជាតិ សម្រេចជ្រើសរើសមេដឹកនាំក្បាលម៉ាស៊ីនបក្ស ដោយ ជ្រើសរើសលោក កឹម សុខា ជាប្រធានគណបក្ស និងជ្រើសរើសអនុប្រធានគណបក្សចំនួន ០៣រូប រួមមាន ៖ លោក ប៉ុល ហំម លោក អេង ឆៃអ៊ាង និងអ្នកស្រី មូរ សុខហួរ ។ លោកបន្តថា សំណើនេះ នឹងយកទៅឲ្យគណៈកម្មាធិការនាយករបស់គណបក្សសង្គ្រោះជាតិ សម្រេចនៅថ្ងៃទី១ ខែមីនានេះ ដោយ ចំនួន ១ភាគ៣ ទទួលយកទៅអនុម័តក្នុងសមាជវិសាមញ្ញគណបក្ស នៅថ្ងៃទី២ មីនា ស្អែក តែម្តង ។ ចំណែកលោក អ៊ូ ច័ន្ទឬទ្ធិ សមាជិកគណៈកម្មាធិការនាយក បានឲ្យដឹង នៅថ្ងៃទី១ ខែមិនា នេះថា បន្ទាប់ពីបញ្ចប់កិច្ចប្រជុំគណៈកម្មាធិការនាយក គណបក្សសង្រ្គោះជាតិ បានសម្រេចជ្រើស រើស ៖ ទី១ ៖ លោក កឹម សុខា ជាប្រធានគណបក្ស ទី២ ៖ លោកស្រី មួរ សុខហួរ អនុប្រធាន  ទី៣ ៖ លោក ប៉ុល ហំម អនុប្រធាន និងទី៤ លោក អេង ឆៃអ៊ាង អនុប្រធាន ។

ការសម្រេចរបស់កណៈកម្មាធិការនាយក គណបក្សសង្គ្រោះជាតិនេះ មិនដូចអ្វីដែលមានការបែក ធ្លាយ ពីពេលថ្មីៗនេះ រវាងលោក សម រង្ស៊ី និងលោក យឹម សុវណ្ណ ថា ការជ្រើសរើសអនុប្រធាន គណបក្ស មានលោក លោក យឹម សុវណ្ណ និង លោក ស្រី ជូឡុង សូមូរ៉ា ជាភរិយា លោក សម រង្ស៊ី ដែលមានកូដតាចេញពីគណបក្សចាស់ (គណបក្ស សម រង្ស៊ី និងគណបក្ស សិទ្ធិមនុស្ស) នោះទេ។ ជាងនេះទៅទៀត ក៏មានការបែកធ្លាយពីមាត់មួយទៅមាត់មួយថា មានបេក្ខភាពជាអនុប្រធានបីរូប រួមមាន៖ លោក គង់ គំា លោក ប៉ុល ហំម និង លោកស្រី មួរ សុខហួរ ទៀតផង។យ៉ាងណាក្តី ចំពោះ ការបែកធ្លាយជាច្រើនលើកនេះ និងការសម្រេចរបស់គណបក្សសង្គ្រោះជាតិ នោះមិនដូចគ្នាទេ ។

សូមរឮកថា ការជ្រើសរើសក្បាលម៉ាស៊ីនដឹកនំាថ្មីរបស់គណបក្សសង្គ្រោះជាតិនេះ ក្រោយពីលោក សម រង្ស៊ី អតីតប្រធានគណបក្សសង្គ្រោះជាតិ បានលាលែងពីតំណែង កាលពីថ្ងៃទី១១ កុម្ភៈ កន្លង ទៅពោលគឹមុនពេលខែ រដ្ឋសភាធ្វើវិសោធនកម្មច្បាប់ស្តីពីគណបក្សនយោបាយ ដែលក្នុងខ្លឹមសារ នៃវិសោធនកម្មច្បាប់នោះ បានចែងថា ប្រធាន និងអនុប្រធានគណបក្ស នយោបាយណា មិនអាច អ្នកទោសបានទេ៕

អត្ថបទ៖ ចំណាន (១១១)

គង់ សភា រំលឹកពីជីវិតនយោបាយឪពុក (លោក គង់​ គាំ) ស្របពេលបក្សប្រឆំាងកំណត់ប្រធាន អនុប្រធានថ្មី

 News New : ស្របពេលគណបក្សសង្គ្រោះជាតិ កំពុងតែជ្រើសរើសក្បាលម៉ាស៊ីនថ្មី  សម្រាប់ដឹកនំា គណបក្សក្នុងប្រកួតប្រជែងសន្លឹកឆ្នោត នៅពេលខាងមុខនេះ។ លោក គង់ សភា សមាជិករដ្ឋសភា ត្រូវបានគេដឹងថា ជាកូនប្រុសលោក គង់ គំា ដែលជាអ្នកនយោបាយជើងចាស់មួយរូប បានរំលឹកពី ជីវិតនយោបាយរបស់ឪពុកខ្លួន ។ លោក គង់ សភា សមាជិកសភាគណបក្សសង្គ្រោះជាតិ មណ្ឌល ស្វាយរៀង បានលើកឡើងលើបណ្តាញសង្គមហ្វេសប៊ុកផ្ទាល់ខ្លួន នៅថ្ងៃទី១ មិនា នេះថា  បើទោះ បីជាក្នុងរបបសាធារដ្ឋប្រជាមានិតកម្ពុជា និងរដ្ឋកម្ពុជា លោក គង់ គាំ ធ្លាប់ធ្វើជា រដ្ឋមន្ត្រីក្រសួងការ បរទេស រដ្ឋមន្ត្រីអមទីស្តីការក្រុមប្រឹក្សារដ្ឋមន្ត្រី និងចុងក្រោយទៀតជារដ្ឋមន្ត្រីត្រួតពិនិត្យកិច្ចការរដ្ឋ ក៏ដោយ នាឆ្នាំ១៩៩២ លោកបានប្រកាសលាលែងចេញពីតំណែង និងចេញពីគណបក្សប្រជាជន កម្ពុជា ដោយគ្មានការសោកស្តាយ ។ លោកបានហៅការលាលែងរបស់ឪពុកចេញពីបក្សប្រជាជន កម្ពុជា គឺជាការរួចផុតពីកំណែនយួនកុម្មុយនីស្ត ដែលលើកបន្តុបរដ្ឋាភិបាលជំនាន់នោះ។ឆ្នាំ១៩៩៥ លោក ក៏បានចូលរួមជាមួយលោក សម រង្ស៊ី និងឥស្សរជន នយោបាយដ៏ទៃទៀត បង្កើតគណបក្ស ជាតិខ្មែរ ដែលជាចលនានយោបាយធំតែមួយគត់ នៅក្នុងការតស៊ូទាមទារលទ្ធិប្រជាធិបតេយ្យ ពិត ប្រាកដសម្រាប់កម្ពុជា ។ លោកគូសបញ្ជាក់ថា  ក្នុងព្វហេតុនេះ  លោកបានលះបង់ទាំងកម្លាំងកាយ ចិត្ត បញ្ញាស្មារតី ធនធានទ្រព្យសម្បត្តិផ្ទាល់ខ្លួន ដើម្បីឈានទៅសម្រេចនូវគោលដៅ ដែលគឺជា វត្ថុ បំណងតែមួយគត់របស់លោក និងប្រជាជនកម្ពុជា នោះ គឺ លទ្ធិប្រជាធិបតេយ្យសេរីពហុបក្សពិតដ៏ ប្រាកដ។លោកបន្ថែមថា មុនការបោះឆ្នោតជាតិឆ្នាំ២០១៣ បន្ទាប់ពីប្រធានគណបក្ស សម រង្ស៊ី ត្រូវ បាននិរទេសទៅក្រៅប្រទេស ដោយបណ្តឹងរបស់រាជរដ្ឋាភិបាល លោក គង់ គាំ  ក្នុងនាមជាប្រធាន ស្តីទី បានដើរតួនាទីយ៉ាងសំខាន់ក្នុងការដឹកនាំ គ្រប់គ្រងគណបក្សប្រឆាំង ឱ្យមានភាពប្រក្រតី និង បន្តទទួលបានការគាំទ្រពីសកម្មជន និងប្រជាជន បើទោះបីជាស្ថានភាពនយោបាយ នាពេលនោះ មានលក្ខណៈផុយស្រួយយ៉ាងណាក៏ដោយ។លោក គង់ សភា បន្ថែមថា ក្រោយមានការបូកបញ្ចូល គ្នារវាងគណបក្ស សម រង្ស៊ី និងគណបក្ស សិទ្ធិមនុស្ស នាឆ្នាំ២០១២ ដែលមានរូបលោកផ្ទាល់ គឺជា ស្ថាបនិកម្នាក់ផងដែរ ក្នុងដំណើរការបង្កើតគណបក្សសង្គ្រោះជាតិ លោកបានបន្តជា ប្រធានគណ បក្ស សម រង្ស៊ី ចាំផ្ទះ និងជាឧត្តមទីប្រឹក្សាគណបក្សសង្គ្រោះជាតិ ផងដែរ ។ ឆ្នាំ២០១៦ លោកបាន ប្រកាសលាលែងពីតួនាទីប្រធានគណកម្មការទី១ របស់ព្រឹទ្ធសភា និងចូលនិវត្តន៍ នយោបាយ ផង ដែរ។ប៉ុន្តែលោកនៅតែបង្ហាញនូវឆន្ទះក្នុងការចូលរួមតស៊ូផ្នែកនយោបាយជាមួយគណបក្សប្រឆាំង និងអ្នកស្នេហាជាតិជាដរាប ជាពិសេសនៅក្នុងកាលៈទេសៈដ៏មានសារៈសំខាន់ជាប្រវត្តិសាស្ត្រនេះ រហូតទទួលបាននូវការផ្លាស់ប្តូរជាវិជ្ជមាននៅកម្ពុជា។

សូមជម្រាបថា ការលើកឡើងរបស់លោក គង់ សភា នេះគឺស្របពេលដែលគណបក្សសង្គ្រោះជាតិ កំពុងតែជ្រើសក្បាលម៉ាស៊ីនថ្មី ក្នុងការដឹកនំាគណបក្ស បន្ទាប់ពីលោក សម រង្ស៊ី បានលាលែងពី តំណែងកាលពីថ្ងៃទី១១ ខែកុម្ភៈ កន្លងមក ៕

អត្ថបទ ៖ ចំណាន (១១០)

ប្រសាសន៍សំខាន់ៗ និងសាររិះគន់អាមេរិក របស់សម្តេចតេជោ ហ៊ុន សែន នាព្រឹកថ្ងៃទី១ មីនា នេះ

News New : នាព្រឹកថ្ងៃទី១ ខែមីនា នេះ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បាន អញ្ជើញជា​អធិបតីបើកសន្និសីទអន្តរជាតិថ្នាក់តំបន់អាស៊ីប៉ាស៊ីហ្វិក ស្តីពីការអភិវឌ្ឍកុមារតូច ដែល រៀបចំឡើងដោយក្រសួងអប់រំ យុវជន និងកីឡា ។

សូមរម្លឹកថា សន្និសីទនេះរៀបចំឡើងនៅសណ្ឋាគារអង្គរអេរ៉ា ខេត្តសៀមរាប មានរយៈពេល ៣ថ្ងៃ ពោលគឺ ចាប់ពីថ្ងៃទី១ ដល់ ៣ ខែមីនា ដោយមានប្រតិភូអន្តរជាតិ ជាន់ខ្ពស់មកពីប្រទេសក្នុងតំបន់ អាស៊ីប៉ាស៊ីហ្វិក ប្រមាណ ៣០០នាក់ និងប្រតិភូជាតិមកពី​ក្រសួងស្ថាប័នពាក់ព័ន្ធការអប់រំ និងកុមារ ប្រមាណ ២០០បន្ថែមទៀត ។

ខាងក្រោមនេះ គឺជាប្រសាសន៍សំខាន់ៗរបស់សម្តេចតេជោ ហ៊ុន សែន ៖ 
* សម្តេចតេជោ បានថ្លែងថា ការគាំពារលើកុមារតូចមិនមែនទើបនឹងធ្វើនាពេលបច្ចុប្បន្ននោះឡើយ ពោលគឺ កម្ពុជាបានធ្វើឡើងតាំងពីក្រោយ ថ្ងៃរំដោះប្រទេស ៧ មករា ឆ្នាំ១៩៧៩ មកម្ល៉េះ។

* សម្តេច បានបន្ថែមថា រាជរដ្ឋាភិបាល បានជំរុញការផ្សព្វផ្សាយនៅក្នុងការចិញ្ចឹមបីបាច់កុមារតាម រយៈការជំរុញបំប៉ៅដោយទឹកដោះម្តាយអោយដល់ ៩ខែ ហើយក៏បានប្រឹងប្រែងជំរុញទប់ស្កាត់ជំងឺ តម្កាត់ផ្សេងៗជាច្រើនផងដែរ ។ សម្តេចនាយករដ្ឋមន្រ្តី បានហៅសន្និសីទអន្តរជាតិ ថ្នាក់តំបន់អាស៊ី ប៉ាស៊ីហ្វិក ជាការឆ្លុះបង្ហាញឲ្យឃើញបន្ថែមទៀត នូវការប្តេជ្ញាចិត្ត និងការខិតខំរបស់រាជរដ្ឋាភិបាល កម្ពុជា ចំពោះកុមារតូចៗ។

* សម្តេចតេជោនាយករដ្ឋមន្រ្តី បានថ្លែងថា ត្រូវតែយកចិត្តទុកដាក់អោយបានខ្ពស់ទៅលើកុមារតូច ដើម្បីអោយពួកគេក្លាយទៅជាយុវជនពោលពេញដោយចំណេះដឹងក្លាយជា ធនធានបន្តវេនសំរាប់ អភិវឌ្ឍសង្គមជាតិឲ្យរីកចម្រើនខ្លាំងថែមទៀត ។

* សម្តេចតេជោ បានថ្លែងថា កុមារតូចក្នុងបន្ទុកគ្រួសារ មានន័យថា ឪពុកម្តាយជាគ្រូ ផ្ទះជាសាលា ធម្មជាតិជុំវិញផ្ទះជាកន្លែងលេង ។ ដូច្នេះការអប់រំមិនអាចកាត់ផ្តាច់ពីអាណាព្យាបាលបានឡើយ ។ប៉ុន្តែបច្ចុប្បន្នសង្គមបាន និងកំពុងធ្វើអោយគម្លាត រវាងកុមារតូច និងអាណាព្យាបាល កាន់តែឃ្លាត ឆ្ងាយ ដែលត្រូវតែរកវិធីដើម្បីដោះស្រាយបញ្ហានេះ។

* សម្តេច បានថ្លែងបន្តថា សម្តេច និងភរិយា  ព្រមទាំងក្រុមគ្រួសារ  តែងបានយកចិត្តទុកដាក់ខ្ពស់ ចំពោះកុមារកម្ពុជា ។ សម្តេច ក៏បានអំពាវនាវដល់អាជ្ញាធរទាំងអស់ ត្រូវបង្កើនការយកចិត្តទុកដាក់ ប្រកបដោយមនសិការ ទៅលើកុមារតូច ក្នុងគោលបំណងសម្រេចឲ្យបានគោលដៅ អភិវឌ្ឍប្រកប ដោយចីរភាព នៅឆ្នាំ២០៣០ ។

* សម្តេច បន្តថា ប្រទេសដែលនាំកងទ័ពទៅឈ្លានពានបរទេសច្រើនជាងគេគឺជាអ្នករំលោភបំពាន កុមារតូចច្រើនជាងគេ។ ប្រទេសដែលឈ្លានពាននោះមិនត្រឹមធ្វើបាបកុមារ ដែលពួកគេឈ្លានពាន នោះទេ តែក៏បានធ្វើបាបកុមារក្នុងប្រទេសរបស់គេផងដែរ តាមរយៈការធ្វើអោយពួកគេឃ្លាតឆ្ងាយ ពីឪពុក ។

* សម្តេចតេជោ ហ៊ុន សែន បានមានប្រសាសន៍ថា បើមានវេទិកាអន្តរជាតិកាន់តែច្រើន មិនគួរខ្លាច ការបំប៉ោងសំឡេង និងមិនគួរខ្លាចអាមេរិកនោះទេ ព្រោះបានធ្វើឲ្យកុមារស្លាប់ស្ទើររៀងរាល់ថ្ងៃ នៅ បណ្តាប្រទេសនៅមជ្ឈិមបូព៌ា។

* សម្តេចតេជោ ហ៊ុន សែន ថ្លែងធ្ងន់ៗថា  នៅកម្ពុជាគ្រាប់បែកអាមេរិកាំង  នៅបន្តធ្វើឲ្យកុមារកម្ពុជា ច្រើនណាស់ស្លាប់បាត់បង់ជីវិត។ សម្តេច ថ្លែងថា ដល់ពេលត្រូវហ៊ាននិយាយចំពោះការឈ្លានពាន របស់អាមេរិក ។

* សម្តេច បានបន្តថ្លែងថា ប្រទេសដែលនាំកងទ័ពទៅឈ្លានពានប្រទេសគេ ច្រើនជាងគេ គឺជាអ្នក ធ្វើបាបកុមារច្រើនជាងគេ ។ សម្តេចតេជោ បានរិះគន់ចំៗ ចំពោះអាមេរិក ថា តែងតែនិយាយពីការ គោរពសិទ្ធិរបស់កុមារ តែមិនបានដល់ការធ្វើបាបកុមារ ដែលកើតចេញពីការឈ្លានពានរបស់ខ្លួន។

* សម្តេច ថ្លែងបន្តថា សម្តេចធុញទ្រាន់ចំពោះអាមេរិកដែលបានមកឈ្លានពាន និងបង្កបញ្ហាអោយ កុមារកម្ពុជាហើយ បែរជាមកផ្តល់ការទូន្មានកម្ពុជាថា ធ្វើអ៊ីចេះ អ៊ីចុះ ។ សម្តេចតេជោ ហ៊ុន សែន ក៏ បានថ្លែងថា ប្រទេសចូលរួមសន្និសីទអន្តរជាតិ ថ្នាក់តំបន់អាស៊ីប៉ាស៊ីហ្វិក នាពេលបច្ចុប្បន្ន  សុទ្ធតែ ធ្លាប់ស្ថិតក្រោមអាណានិគម ដូចជា៖ អាមេរិក បារាំង អង់គ្លេស និងអេស្ប៉ាញ...។

* សម្តេចតេជោ ក៏បានរិះគន់ខ្លាំងៗទៅដល់អាមេរិកថា បានយកគ្រាប់បែកមកទម្លាក់លើក្បាលខ្មែរ ហើយ បែរជាត្រូវមកទារបំណុលពីកម្ពុជាថែមទៀត (វ៉ៃទារលុយ)។

* សម្តេចនាយករដ្ឋមន្រ្តី បានថ្លែងបន្តថា ក្រៅពីទារបំណុលពីកម្ពុជាហើយ អាមេរិកបានណែនាំឲ្យ IMF មិនបញ្ចេញលុយជួយកម្ពុជា ។ សម្តេច ថា បើអត់លុយ IMF ក៏កម្ពុជា មិនស្លាប់នោះឡើយ ។ សម្តេចអំពាវនាវឲ្យកូនខ្មែរទាំងអស់ក្រោកឡើងអភិវឌ្ឍប្រទេសជាតិឲ្យកាន់តែខ្លាំងក្លា ដើម្បីចៀស វាងការមើលងាយពីប្រទេសដទៃ។

អត្ថបទ ៖ អារុណ
ប្រភព ៖ វិទ្យុជាតិកម្ពុជា

Monday, February 27, 2017

ប្រសាសន៍សំខាន់ៗទាំង ១២ចំណុច របស់សម្តេច ហ៊ុន សែន ក្នុងពិធីសម្ពោធ វិ. ហ៊ុន សែន បឹងកុក ព្រឹកម៉ិញនេះ

News New : នៅព្រឹកថ្ងៃទី២៨ ខែកុម្ភ: ឆ្នាំ២០១៧ នេះ សម្តេចតេជោ ហ៊ុន សែន នាយករដ្ឋមន្រ្តី នៃ ព្រះរាជាណាចក្រកម្ពុជា បានអញ្ជើញជាអធិបតីក្នុងពិធី ​សម្ពោធ​អគារសិក្សា និងទីចាត់ការ  សរុប ២១បន្ទប់ នៅវិទ្យាល័យ ហ៊ុន សែន បឹងកុក ក្នុងសង្កាត់បឹងកុក ក្រុងកំពង់ចាម ខេត្តកំពង់ចាម ។

សូមបញ្ជាក់ថា អគារសិក្សាមួយខ្នងនេះ មានកម្ពស់ ៣ជាន់ ស្មើ ១៨បន្ទប់  និងអគារទីចាត់ការមួយ ខ្នងស្មើ ៣បន្ទប់ ក្នុងវិទ្យាល័យ ហ៊ុន សែន បឹងកុក នេះ  ត្រូវបានសម្តេចតេជោ ហ៊ុន សែន សម្រេច ផ្តល់ជូន កាលពីថ្ងៃទី២៤ សីហា ឆ្នាំ២០១៦  ដោយថវិការបស់សម្តេចផ្ទាល់  ក្នុងពេលដែលសម្តេច ​អញ្ជើញចុះសំណេះសំណាលជាមួយមន្រ្តីរាជការ និងកងកម្លាំងប្រដាប់អាវុធក្នុងខេត្តកំពង់ចាម ។

ខាងក្រោមនេះ ជាប្រសាសន៍សំខាន់ៗរបស់សម្តេចតេជោ ហ៊ុន សែន ដែលបានថ្លែង ៖
* សម្តេច បានថ្លែងបង្ហាញអំពីប្រវត្តិ នៃការផ្តល់អគារសិក្សា ទីចាត់ការ និង សមិទ្ធិផលនានានៅក្នុង វិទ្យាល័យតេជោ ហ៊ុន សែន បឹងកុក ថា ផ្តើមចេញពីការស្នើសុំ របស់លោក ឈឹម ប៊ុនធឿន នាយក វិទ្យាល័យ បានស្នើសម្តេចតាមទំព័រ Facebook ។ សម្តេចតេជោ ក៏បានអរគុណលោកនាយកសាលា ដែលបានផ្តល់ព័ត៌មានជូនសម្តេច ដើម្បីដោះស្រាយបញ្ហាជូនសិស្សានុសិស្ស តែប្រសិនបើមិនផ្តល់ ព័ត៌មានទាន់ពេលវេលាទេ នឹងធ្វើអោយសិស្សប្រឈមគ្រោះថ្នាក់ខ្ពស់ព្រោះអគារចាស់មានសភាព ទ្រុឌទ្រោមខ្លាំង។ 
* សម្តេចតេជោ ហ៊ុន សែន បានថ្លែងថា សម្តេច និងគណបក្សប្រជាជនកម្ពុជា  បានដឹកនាំប្រទេស អោយផ្លាស់ប្តូរជាបន្តបន្ទាប់តាំងពីក្រោយថ្ងៃរំដោះ ៧ មករា ១៩៧៩ តាំងពីប្រទេសអត់មានមនុស្ស រហូតដល់មាន ១៥លាននាក់ មិនចាំបាច់នរណានិយាយថា ផ្លាស់ប្តូរនោះទេ។ក្រៅពីការដាក់អោយ ប្រើប្រាស់អគារសិក្សាហើយនោះ សម្តេចតេជោ ហ៊ុន សែន ក៏បានសម្រេចផ្តល់ម៉ាស៊ីនកុំព្យូទ័រ និង ម៉ាស៊ីនដេរមួយចំនួនទៀត ជូនសាលាសម្រាប់សិស្សរៀនសូត្រ ផងដែរ។ 
* ក្រៅពីសាងសង់សាលារៀន សម្តេចតេជោ ហ៊ុន សែន បានចាត់ចែងឲ្យកងវិស្វកម្មរបស់សម្តេច ជួសជុល និងរៀបចំ​តារាងបាល់ទាត់នៅក្នុងទីរួមខេត្តកំពង់ចាម អោយបានស្អាតផងដែរ។ សម្តេច នាយករដ្ឋមន្រ្តីថា ថវិកាសាងសង់ជា​បន្ទុករបស់សម្តេច ។ សម្តេចតេជោ ហ៊ុន សែន បានចាត់ចែង អោយធ្វើតារាងបាល់ទាត់ក្នុងខេត្តកំពង់ចាម ទៅជាកន្លែង​បាល់ទាត់ភូមិភាគ។សម្តេចតេជោ ក៏បាន បំផុស និងអំពាវនាវដល់សិស្សានុសិស្ស យុវជនរួមគ្នាលេងកីឡា កុំទៅ​ប្រើប្រាស់គ្រឿងញៀន ។ 
* សម្តេច បានថ្លែងថា នៅប៉ុន្មានថ្ងៃខាងមុខ នឹងមានការចែកជូនពាក្យប្រៀនប្រដៅរបស់ ក្រុម ង៉ុយ ទៅតាមសាលាទូទាំងប្រទេស ចំនួនប្រមាណ ១៥០០០ច្បាប់ ហើយនិងបន្តបោះពុម្ពចែកចាយ បន្ត បន្ទាប់ទៀត ។ សម្តេចនាយករដ្ឋមន្រ្តី បានអំពាវនាវដល់ លោកគ្រូ អ្នកគ្រូ និងសិស្សានុសិស្សរួមគ្នា អាន ខណៈសម្តេច មាន​សៀវភៅនេះចំនួនពីរក្បាល សម្រាប់អានផងដែរ ។ សម្តេចនាយករដ្ឋមន្រ្តី បានបំផុសឱ្យមានការផលិត និងប្រើប្រាស់ឡើងវិញនូវសាស្រ្តាស្លឹករឹត  ដើម្បីកុំអោយខ្មែរ ​បាត់បង់​នូវទំនៀម​ទម្លាប់​របស់ខ្លួន។ 
* សម្តេច បានថ្លែងថា ក្រៅពីការដំឡើងប្រាក់បៀវត្សរ៍ដល់មន្រ្តីរាជការ ហើយនោះ ក៏មានការផ្តល់ ប្រាក់​ឧបត្ថម្ភ​ ៥ម៉ឺនរៀលសម្រាប់ ចូលឆ្នាំខ្មែរថែមទៀតផង។ បើតាមសម្តេច រដ្ឋត្រូវចំណាយរហូត ប្រមាណ ៣០ពាន់លានរៀល ស្មើជាង ៧លានដុល្លារ សម្រាប់ការផ្តល់ប្រាក់ឧបត្ថម្ភនេះ។ 
* សម្តេច បានលើកឡើងថា គ្រប់ទីអារាម ដែលមានសាស្រ្តាស្លឹករឹត គួរត្រូវបានថែទាំ។ សម្តេច ថា ត្រូវតែប្រឹងប្រែងថែទាំងនូវអ្វី ដែលជាមរតកជាតិ។ 
* សម្តេច បានសម្រេចឧបត្ថម្ភឲ្យលោកគ្រូ អ្នកគ្រូពេទ្យ និងនិស្សិតពេទ្យក្នុងខេត្តកំពង់ចាម រួមទាំង គ្រូបង្រៀននៅសាលាមួយចំនួនទៀត ក្នុងខេត្តកំពង់ចាម ទៅលេងកម្សាន្តនៅក្នុងខេត្តព្រះសីហនុ។ សម្តេចតេជោ បានថ្លែងរំពឹងថា អគារសិក្សានៅវិទ្យាល័យតេជោ  ហ៊ុន សែន បឹងកកុក  នឹងក្លាយជា កន្លែង​បណ្តុះបណ្តាល​ដ៏សំខាន់​មួយសម្រាប់​កូនប្រជាពលរដ្ឋ​ក្នុងខេត្ត​កំពង់ចាម។ 
*សម្តេចថ្លែងថា រាជរដ្ឋាភិបាល បាន និងកំពុងធ្វើអោយមានការផ្លាស់ប្តូរយ៉ាងច្រើននៅក្នុងប្រទេស កម្ពុជា ហើយនឹងបន្តធ្វើឲ្យមានការផ្លាស់ប្តូរកាន់តែច្រើនថែមទៀត សម្រាប់ប្រជាពលរដ្ឋកម្ពុជា ។ 
* សម្តេចតេជោ ក៏បានបង្ហាញអំពីគម្រោងតភ្ជាប់បណ្តាញអគ្គិសនីពីខេត្តកំពង់ចាម ទៅខេត្តក្រចេះ ដែលធ្វើអោយប្រជាពលរដ្ឋមានអគ្គិសនីប្រើប្រាស់ ហើយក៏នឹងធ្វើឲ្យក្មេងៗលែងស្គាល់ចង្កៀង និង ចន្លុះទៀតហើយ។ 
* សម្តេចតេជោ ហ៊ុន សែន បានថ្លែងថា បើទោះបីរាជរដ្ឋាភិបាលប្រឹងដំឡើងប្រាក់បៀវត្សរ៍ និងកាត់ បន្ថយតម្លៃអគ្គិសនីក្តី នៅពេលបន្តិចទៀត នឹងមានអ្នកមកដេញថ្លៃ និងសន្យាថា  ប្រាក់ខែគ្រូសន្យា ដំឡើងដល់ ៣លានរៀល តម្លៃភ្លើងបញ្ចុះ ១គីឡូវ៉ាត់ដល់ ២០០រៀល ចាស់ៗនឹងផ្តល់ប្រាក់ ឧបត្ថម្ភ ប្រមាណ ៤ ឬ ៥ម៉ឺនរៀល ។ សម្តេចតេជោ ហ៊ុន សែន បានរំលឹកដល់មន្រ្តីរាជការ និងប្រជាពលរដ្ឋ ត្រូវទទួលយកអ្វីដែលកំពុងមាន កុំជ្រើសយកការសន្យា។ 
* សម្តេចតេជោ បន្តប្រកាសថា ទោះក្នុងតម្លៃណាក៏ដោយ  ត្រូវការពារសន្តិភាព ដែលកំពុងមាននៅ កម្ពុជាអោយខានតែបាន ។ សម្តេចនាយករដ្ឋមន្រ្តី បានរំលឹកថា ព្រោះតែការផ្លាស់ប្តូររបប ពីសម័យ សង្គមរាស្រ្តនិយម​របស់សម្តេច នរោត្តម សីហនុ មករបបសាធារណរដ្ឋ របស់លោក លន់ នល់ បាន ធ្វើឲ្យពលរដ្ឋខ្មែរកន្លះលានអ្នកស្លាប់ និងរបប ប៉ុលពត ប្រមាណ ៣លាននាក់ស្លាប់។ សម្តេចតេជោ នាយក​រដ្ឋមន្រ្តី​ ក៏បានលើកឡើងទៀតថា ប្រសិនបើមានគ្មានសង្រ្គាមទៀត ប្រហែលជាគ្មាន « ហ៊ុន សែន» ទៅបញ្ចប់សង្រ្គាមទៀតនោះទេ។ 
* សម្តេច ក៏បានថ្លែងគូសបញ្ជាក់ដែរថា  ព្រោះតែការចង់ផ្តួលរំលំរបប សាដាម ហូសេន និង លោក អាសាដ បានធ្វើអោយយមនុស្សជាច្រើនស្លាប់ ប្រទេសខ្ទេចខ្ទី ដូច្នេះការប៉ុនប៉ងផ្តួលរំលំសម្តេចមិន ដឹងថា នឹងត្រូវធ្វើឲ្យមនុស្ស និងប្រទេសខ្ទេចខ្ទីប៉ុន្មាននោះទេ។



















 អត្ថបទ ៖ អារុណ
ប្រភព ៖ វិទ្យុជាតិកម្ពុជា

ពេលនេះ ព្រឹទ្ធសភា កំពុងប្រជុំពិនិត្យ និងអនុម័តលើវិសោធនកម្មច្បាប់ គណបក្សនយោបាយ ហើយ

News New : គណៈកម្មាធិការអចិន្ត្រៃយ៍ព្រឹទ្ធសភា បានកំណត់យកថ្ងៃទី២៨ ខែកុម្ភៈ ឆ្នាំ២០១៧ នេះ ជាថ្ងៃប្រជុំដើម្បីពិនិត្យ និងអនុម័តលើសេចក្តីស្នើវិសោធនកម្មច្បាប់ស្តីពីគណបក្សនយោបាយ ស្ថិត ក្រោមអធិបតីភាពសម្តេច សាយ ឈុំ ប្រធានព្រឹទ្ធសភា ដែលមានសមាជិកសរុប ៤៤រូប ដើម្បីប្រជុំ វិសាមញ្ញព្រឹទ្ធសភា នីតិកាលទី៣ ដើម្បីពិនិត្យ និងឲ្យយោបល់លើសេចក្តីស្នើ វិសោធនកម្មច្បាប់ស្តី ពីគណបក្សនយោបាយ បន្ទាប់ពីរដ្ឋសភា អនុម័ត កាលពីពេលថ្មីៗកន្លងមកនេះ ។ សេចក្តីស្នើវិសោ ធនកម្មស្តីពីគណបក្សនយោបាយ មាន ៩ជំពូក និង ២២មាត្រា ។ ក្នុងនោះដែរ ក៏មានចែងពីការមិន អនុញ្ញាតឲ្យអ្នកមានទោសទណ្ឌ ធ្វើជាមេបក្ស អនុប្រធាន និងគណៈកម្មការនាយកផងដែរ។

រដ្ឋសភាអនុម័ត កាលពីថ្ងៃទី២០ កុម្ភៈ ដែលមានតែការលើកដៃគាំទ្រជាឯកច្ឆន្ទដោយក្រុមសមាជិក សភា  គណបក្សប្រជាជនកម្ពុជា ដោយសំឡេងគាំទ្រជាឯកច្ឆ័ន្ទ ៦៦ ខណៈដែលក្រុមតំណាងរាស្រ្ត គណបក្សសង្រ្គោះជាតិ ពហិការចូលរួមប្រជុំ។ វិសោធនកម្មនេះ ស្នើដោយក្រុមសមាជិកសភាគណ បក្សប្រជាជនកម្ពុជា  ៦០រូប ។  បន្ទាប់ពីរដ្ឋសភាអនុម័តយល់ព្រមហើយ  ស្ថានទូតសហរដ្ឋអាមេរិក ប្រចាំកម្ពុជា បានចេញសេចក្តីថ្លែងការណ៍ដោយបានសម្តែងពីការព្រួយបារម្ភជាខ្លាំង។ សេចក្តីថ្លែង ការណ៍បន្តថា វិសោធនកម្មនេះ បានផ្តល់អំណាចយ៉ាងធំដល់រាជរដ្ឋាភិបាលកម្ពុជា នៅក្នុងការដាក់ កំហិតដល់សេរីភាពក្នុងការបញ្ចេញមតិ និងសកម្មភាពស្របច្បាប់នានារបស់គណបក្សនយោបាយ ហើយនៅក្រោមកាលៈទេសៈកំណត់មិនច្បាស់លាស់ណាមួយ គឺ រំលាយគណបក្សនយោបាយ តែ ម្តង។ ឆ្លើយតបទៅនឹងការលើកឡើងរបស់ស្ថានទូតអាមេរិកនេះ ក្រសួងការបរទេស និងសហប្រតិ បត្តិការអន្តរជាតិ កម្ពុជា កាលពីរសៀលថ្ងៃទី២២ កម្ភៈ ក៏បានអ្នកនាំពាក្យក្រសួងការបរទេស ក៏បាន ចេញចសេចក្តីថ្លែងការណ៍បានអោយដឹងថា រាជរដ្ឋាភិបាលកម្ពុជា មានការខកចិត្តយ៉ាងខ្លាំងដោយ បានឃើញប្រតិកម្មមិនសមហេតុផលរបស់អាមេរិក ចំពោះការធ្វើវិសោធនកម្មច្បាប់ស្តីពី គណបក្ស នយោបាយ ដោយរដ្ឋសភា។កម្ពុជាធ្វើវិសោធនកម្មច្បាប់ស្តីពីគណបក្សនយោបាយនេះ ដោយឈរ លើគោលការណ៍នានា ដែលមានចែងនៅក្នុងរដ្ឋធម្មនុញ្ញ។ ចំពោះទិដ្ឋភាពច្បាប់ដែលបាន ធ្វើវិសោ ធនកម្មនេះ អនុវត្តជាទូទៅដោយពុំមាន ការបែងចែកចំពោះ គ្រប់គណបក្សនយោបាយទាំងអស់ ។ សេចក្តីស្នើវិសោធនកម្មច្បាប់គណបក្សនយោបាយ ធ្វើឡើង ៩ជំពូក និង ២២មាត្រា រួមមាន៖ ជំពូក ទី១ មាត្រា ៦ថ្មី ជំពូកទី៣ មាត្រា១២ថ្មី ជំពូកទី៤ ថ្មីមាត្រា១៧ថ្មី ​មាត្រា ១៨ថ្មី ជំពូកទី៥ មាត្រា ១៩ថ្មី មាត្រា ២៥ថ្មី មាត្រា ២៦ថ្មី ជំពូកទី៦ មាត្រា ២៩ថ្មី ជំពូកទី៨ មាត្រា ៣៤ថ្មី ជំពូកទី ៩ថ្មី មាត្រា  ៣៨ថ្មី មាត្រា៣៩ថ្មី មាត្រា៤០ថ្មី មាត្រា៤១ថ្មី មាត្រា៤២ថ្មី មាត្រា៤៣ថ្មី មាត្រា៤៤ថ្មី មាត្រា៤៥ថ្មី មាត្រា៤៦ ថ្មីមាត្រា ៤៧ថ្មី ជំពូកទី១០ មាត្រា ៤៨ថ្មី និងជំពូក១១មាត្រា ៤៩ថ្មី និងមាត្រា ៥០ថ្មី។



អត្ថបទ ៖ ចំណាន(109)

Sunday, February 26, 2017

លោក កឹម សុខា និងលោក សុខ ឥសាន ៖ បង្ហាញគុណសម្បត្តិរបស់ CNRP និង CPP រៀងៗខ្លួន...

News New : លោក កឹម សុខា ប្រធានស្តីទីគណបក្សសង្គ្រោះជាតិ បានអះអាងចង់រៀបចំស្រុក ឲ្យ ខ្មែរបានសុខទាំងអស់គ្នា ។ ប៉ុន្តែត្រូវបានមន្ត្រីជាន់ខ្ពស់គណបក្សកាន់អំណាច ថា កម្ពុជា មានសុខ សន្តិភាពហើយ ។ លោក កឹម សុខា បានបញ្ជាក់អោយដឹងតាមបណ្តាញសង្គមហ្វេសប៊ុកលោកថា «យើងត្រូវរៀបចំស្រុកអោយខ្មែរបានសុខទាំងអស់គ្នា។សន្តិភាពពិត គឺសន្តិភាពទាំងរូបកាយ( ខាង ក្រៅ) និងសន្តិភាពទាំងផ្លូវចិត្ត(ខាងក្នុង)» ។ លោកបន្តថា ការបញ្ចប់សង្គ្រាមប្រដាប់អាវុធ គឺជាផ្នែក មួយ នៃសន្តិភាពក៏ពិតមែនហើយ។ ផ្ទុយទៅវិញ ការដែលនៅតែធ្វើឲ្យខ្មែរបែកបាក់គ្នា ឈឺចាប់ទាំង ផ្លូវកាយ ទាំងផ្លូវចិត្ត យ៉ាងច្រើនសន្ធឹកសន្ធាប់ដោយអយុត្តិធម៌ ពីសំណាក់អ្នកមានបំពានអ្នកក្រ អ្នក ខ្លាំងរាំងខ្ទប់អ្នកខ្សោយ អ្នកឈ្នះគៀបសង្កត់អ្នកចាញ់។ នេះហើយគឺ ជាមូលហេតុនាំអោយមានការ ប្រឆាំងកាន់តែច្រើនទៅៗ ដូចពាក្យស្លោកមួយបានចែងថា “ទីណាមានការជិះជាន់ ទីនោះ មានការ រើបម្រះ ” ។ លោក កឹម សុខា គូសបញ្ជាក់ថា ដូច្នេះ បើយើងចង់បានសន្តិភាពទាំងអស់គ្នា យើងត្រូវ រួបរួមគ្នា កសាង និងការពារសន្តិភាព ពិតប្រាកដជាមួយគ្នា  ដោយបញ្ឈប់ការបំពានគ្នា  ងាកមករក កសាងយុត្តិធម៌សង្គមជាមួយគ្នា និងការពារសេចក្តីថ្លៃថ្នូរ របស់មនុស្សដូចគ្នា នោះទើបយើងទទួល បាន “ សន្តិភាពពិត សន្តិភាពឋិតថេរ ” ។ ចំពោះបញ្ហាអ្វីដែលមេបក្សប្រឆំាងលោក កឹម សុខា បាន លើកឡើងត្រូវបាន លោក សុខ ឥសាន អ្នកនំាពាក្យគណបក្សប្រជាជនកម្ពុជា បានឲ្យដឹងតាមរយៈ សាអេឡេចត្រូវនិចទេឡេក្រាមដោយដាក់សំណួរ តើមេដឹកនាំណាចង់បានការស្រុះស្រួលជាតិ ?។ ជាមួយគ្នានោះដែរអ្នកនំាពាក្យក៏បានលើកពីស្នាដៃដែលនំាអោយមានសន្តិភាពរបស់សម្តេចតេជោ ហ៊ុន សែន នាយករដ្ឋមន្ត្រី រួមមាន ៖ ដាក់ចេញនយោបាយបង្រួបបង្រួមជាតិ នាំដល់កិច្ចព្រមព្រៀង ប៉ារីស ២៣តុលា ឆ្នាំ៩១ ។ ដាក់ចេញនយោយឈ្នះឈ្នះ នាំដល់ការរលំរលាយខ្មែរក្រហម ប៉ុលពត នំាមកនូវសន្តិភាពពេញលេញ ជូនជាតិឆ្នាំ១៩៩៨ ទប់ស្កាត់ការប៉ុនប៉ង នាំពួកខ្មែរក្រហម មកវិញ ។ ការពាររដ្ឋធម្មនុញ ការពារសន្តិភាព សុខសុវត្ថិភាព សណ្តាប់ធ្នាប់សាធារណៈសង្គមជូនប្រជាជន។ផ្តើមគំនិតធ្វើកិច្ចព្រមព្រៀងថ្ងៃទី២២ កក្កដា ២០១៤ ដើម្បីដំណើរការវប្បធ៌មសន្ទនា ។ ជំរុញឲ្យមាន សេចក្តីប្រកាសរួមគណបក្សទាំងពីរ  ថ្ងៃទី៨ ឧសភា ២០១៥  ដើម្បីធានាជីវិតវប្បធ៌មសន្ទនា ។ ផ្តើម ហូបបាយសាមគ្គីជាមួយក្រុមគ្រួសារលោក សម រង្សី ដើម្បីបង្កបរិយាកាសល្អ ផ្តើមនាំ សម រង្សី និង ភរិយា ទៅចូលរួមពិធីអង្គរសង្ក្រាន្គ នៅខេត្តសៀមរាប សំណូមពរឈប់ប្រើវប្បធម៌ " ទឹកទ្បើងត្រីសុំ ស្រមោច ទឹកហោចស្រមោចស៊ីត្រី " លាបពណ៌គ្នា និងផ្តើមមបង្កើតក្រុមតំណាងរាស្ត្រមតិភាគតិច មតិភាគច្រើន ដើម្បីរក្សាវប្បធ៌មសន្ទនា ជាដើម...។ល។ អ្នកនំាពាក្យកាន់អំណាច ក៏បានលើកឡើង ពីកិច្ចការរបស់លោក សម រង្សី អតីតប្រធានគណបក្សសង្គ្រោះជាតិ ផងដែរ ដូចជា៖ ធ្វើនយោបាយ ដោយយកគំនុំ និងសងសឹកជាមូលដ្ឋាន តែងដឹកនាំធ្វើបាតុកម្មធ្វើអោយរាំងស្ទះដល់ដំណើរីកចំរើន របស់ជាតិ។ប៉ុនប៉ងផ្តួលរំលំរាជរដ្ឋាភិបាលស្របច្បាប់រហូតចង់ធ្វើបដិវត្តន៍ពណ៌ខុសច្បាប់។ បំផ្លាញ ជីវិតវប្បធ៌មសន្ទនា ទោះបីបានសន្យាច្រើនដងក្តី។បំផ្លាញទំនាក់ទំនងល្អជាមួយសម្តេចតេជោ ហ៊ុន សែន ដោយវាយប្រហារថា សម្តេចជាជនផ្តាច់ការជាជនក្បត់ជាតិលក់ទឹកដីធ្វើឲ្យបាត់បង់ទឹកដីប្រើ ប្រាស់ដែនទីក្លែងក្លាយ ចុះហត្ថលេខាលុបខ្សែព្រំដែនកម្ពុជា -វៀតណាមធ្វើអោយបាត់ដែនដីកម្ពុជា ក្រោម ។ ល៕

 អត្ថបទ ៖ ចំណាន(១០៨)


Saturday, February 25, 2017

លោក ទូច វណ្ណ: ដឹកនាំក្រុមយុវជន ១៨៣នាក់ សំអាតបរិស្ថានវាលខ្សាច់ដីដុះ

News New : ដោយអនុវត្តតា​មទិសដៅឯកឧត្តម ស សុខា តំណាងរាស្ត្រមណ្ឌលព្រៃវែង និងជាអនុ ប្រធានសហភាពសហព័ន្ធយុវជនកម្ពុជា នារសៀលថ្ងៃទី២៥ ខែកុម្ភ: នេះ លោក ទូច វណ្ណ: ប្រធាន ក្រុមការងារ សសយក ចុះជួយឃុំស្វាយភ្លោះ និងជាតំណាងឱ្យលោក ឈឹម ផាន់ណា ប្រធានក្រុម ការងារ សសយក ចុះជួយស្រុកពាមជរ ខេត្តព្រៃវែង បានដឹកនាំក្រុមការងារយុវជនឃុំ និង យុវជន យុវនារី ចំនួន ១៨៣នាក់ ចូលរួមសំអាតបរិស្ថាននៅលើរមណីយដ្ឋានដីដុះ ស្ថិតក្នុងឃុំស្វាយភ្លោះ ស្រុកពាមជរ ខេត្តព្រៃវែង ក្រោមប្រធានបទ  " រួមគ្នាថែរក្សាបរិស្ថាន ដើម្បីសោភ័ណភាព និងសុខ ភាពយើងទាំងអស់គ្នា" ។ ក្នុងឱកាសនោះដែរ ក៏មានការអញ្ជើញចូលរួមពីក្រុមការងារ សសយក ថ្នាក់ស្រុកជាច្រើននាក់ ដឹកនាំដោយលោក ហ៊ុន ចាន់ដែន និងមានការអញ្ជើញចូលរួមពីសំណាក់ លោកមេប៉ុស្ថិ៍ និងកំលាំងសមត្ថកិច្ចមួយចំនួនទៀតផងដែរ ។
បញ្ជាក់: ក្រុមការងារក៏បានផ្តល់ជូនអ្នកចូលរួមទាំងអស់ នូវសាំងវិច ១ដុំ ទឹកក្រូច ១កំប៉ុង និងទឹក សុទ្ធ ១ដបផងដែរ។

លោក ទូច វណ្ណ: បានគូសបញ្ជាក់ថា ដោយអនុវត្តទៅតាមទិសដៅ របស់ឯកឧត្តម ស សុខា  ដែល ជានិច្ចកាល ឯកឧត្តម តែងតែចូលរួម និងបំផុសគំនិតយុវជន យុវជនារី និង ប្រជាពលរដ្ឋខ្មែរទូទាំង ប្រទេស ឱ្យមានការចូលរួមសំអាតបរិស្ថាន ទាំងនៅទីប្រជុំជន ទីលំនៅដ្ឋាន សាលារៀន មន្ទីរពេទ្យ វត្តអារាមក្តី ដើម្បីអោយទីកន្លែងតាំងនោះមានសោភ័ណភាពល្អ និងផ្តល់អនាម័យល្អ ព្រមទាំងសុខ ភាពល្អ ទាំងការរស់នៅ និងតំលៃក្នុងសង្គម និងលើឆាកអន្តរជាតិនោះ ទើបលោក និងក្រុមការងារ សហការណ៍ជាមួយ សសយក ស្រុកពាមជរ សសយក ឃុំស្វាយភ្លោះ រៀបចំដឹកនាំយុវជន យុវនារី ចូលរួមសំអាតបរិស្ថាន ក្នុងន័យបំផុសគំនិតអោយពួកគេស្រលាញ់បរិស្ថាន និងយកគំនិតទាំងនេះ ទៅផ្សព្វផ្សាយបន្ត សំដៅកាត់បន្ថយបរិយាកាសកខ្វក់ក្នុងសង្គមជាតិយើង។ លើសពិនេះទៅទៀត ក្រុមការងាររបស់លោក ទូច វណ្ណ: បានដាំបង្គោលដែកមួយផ្ទាំងនៅលើផ្លូវចូលរមណីយដ្ឋានដីដុះ ដែលបានសរសេរខ្លឹមសារថា " រួមគ្នាថែរក្សាបរិស្ថាន ដើម្បីសោភ័ណភាព និងសុខភាពយើងទាំង អស់គ្នា" ផងដែរ៕
























អត្ថបទ ៖ អារុណ